Kantono Garfield (Vaŝingtonio)
Kantono Garfield (angle Garfield County) estas subŝtata administra unuo en la sudorienta parto de Vaŝingtonio, Usono. En ĝi loĝis 2 397 homoj laŭ la censo de 2000. La administra sidejo (kaj la sola municipo) de la kantono estas Pomeroy. Kantono Garfield ampleksas 1 860 km², el kio 20 km² estas akvo kaj la cetero seka tero.
Kantono Garfield kreiĝis la 29-an de novembro 1881 el parto de Kantono Columbia. En 1889 la kantono jam havis 3 879 loĝantojn, sed en postaj jardekoj la nombro malpliiĝis, ĉefe pro la maŝiniĝo de terkultivado.