Kubo libera
Kubo libera (hispane: Cubalibre kelkfoje ankaŭ Cuba libre) estas koktelo kiu apartenas al la tiel nomataj longdrinks (longtrinkaĵoj). Ĝi estas unu el la plej popularaj kokteloj en la mondo. Simpla varianto estas la bako, miksaĵo de Bacardi-rumo kaj kokakolao.
Laŭ la legendo la kotelo naskiĝis en drinkejo en Habano, la ĉefurbo de Kubo, dum la Hispan-Usona Milito. Tie kapitano eniris kaj mendis koktelon laŭ ĉi-suba recepto. La ĉeestantaj soldatoj sekvis lian ekzemplon kaj montriĝis esti bona drinkaĵo. Dum la drinkado oni sekve kriis Cuba libre kaj tiel la nomo naskiĝis.
Ingrediencoj[redakti | redakti fonton]
- 44ml de rumo
- kompletigu per kokakolao
- 15ml de citronsuko
- kelkaj kubetoj de glacio
- ŝelo de citrono kiel garnaĵo