Kvar Turoj Negoc-Areo

El Vikipedio, la libera enciklopedio
Saltu al: navigado, serĉo
Cuatro Torres Business Area en februaro 2008

Kvar Turoj Negoc-Areo hispane Cuatro Torres Business Area (mallongigo CTBA) estas entreprena parko ĉe la Avenuo de la Kastilia, en Madrido (Hispanio), en tereno de la iama Sportiva Urbo de Real Madrid. Komence konata kiel Madrid Arena, la konsorcio de proprietuloj de la kvar turoj decidis adopti novan korporacian bildon por la komplekso kaj la nomo estis elektita hispane kiel Cuatro Torres Business Area. Tiu ĉi entreprena parko konsistas el kvar nubskrapuloj kiuj estas la plej altaj konstruaĵoj kaj de Madrido kaj de tuta Hispanio. La kvar konstruaĵoj estas Turo Ŝparkaso Madrido, Turo Sacyr Vallehermoso, Turo Kristalo kaj la Turo Spaco. La unua de ili estas la plej alta de Madrido kaj Hispanio kun pli ol 250 metroj alte.

La nubskrapuloj gastigas oficejojn. Tamen la Turo Sacyr Vallehermoso ankaŭ gastigas hotelon kaj en la plej alta parto de la Turo Kristalo troviĝas ĝardeno. Ĉiu turo havas plurajn subterajn etaĝojn kun parkejoj kaj ankaŭ subtere ekzistas alireblo al la entreprena parko por eviti la kolapsan trafikon surtere. La konstruado de tiuj ĉi nubskrapuloj komenciĝis en la jaro 2004 kaj je la fino de 2007 kaj komencoj de 2008 ili estis finkonstruitaj. Kune al la kvar turoj kaj en la sama tereno de la parko, estos konstruata la Internacia Centro de Konvencioj de Madrido, kongresejo kun 70.000 m² kaj ĉefa halo por 3.500 personoj.