Makrono

El Vikipedio, la libera enciklopedio
Saltu al: navigado, serĉo

Makrono ( ¯ ) estas diakrita signo por marki la apartan prononcon aŭ akcenton de difinitaj literoj de la latina alfabeto. Temas pri horizontala strekto super la koncerna litero. Ĝi estas uzata inter alie en la latva, litova kaj havaja lingvo - aldone en la latinliterigo de la japana, ĉina (Pinyin), araba, persa kaj iuj sudaziaj lingvoj (ekzemple la hindia, sanskrita kaj nepala).

  • En la plej multaj kazoj, ekzemple en la latva kaj litova lingvoj, en la latinliterigo de la japana lingvo kaj en vortaroj de la latina lingvo, la signo indikas longan vokalon.
  • Por la latinliterigo "Pinyin" de la ĉina la signo indikas la unuan tonon (sama voĉa alteco).


HTML/Unikodo-Kodigo por literoj kun makrono
majusklo minusklo
litero kodo litero kodo
Ā Ā ā ā
Ē Ē ē ē
Ī Ī ī ī
Ō Ō ō ō
Ū Ū ū ū
Ǖ Ǖ ǖ ǖ

La vorto "makrono" mem devenas de la greka vorto μακρός - makros, kiu signifas "larĝa".