Modelo (homo)
|
Tiu ĉi artikolo temas pri profesio. Por aliaj signifoj bonvolu rigardi apartigilojn manekeno kaj modelo |
Manekeno [1] aŭ modelo [1] estas homo, kies profesio estas surmeti kaj prezenti al la publiko novajn kreaĵojn de la kudroarto. Kutime oni rilatigas ĝin kun la ina sekso, tamen, en la plej ampleksa senco ĝi ampleksiĝas al viroj, adoleskantoj kaj infanoj.
La vorto manekeno signifas en Esperanto ankaŭ tiujn artefaritajn, homsimilajn pupojn, kiujn la pentristoj aŭ skulptistoj uzas anstataŭ pozisto aŭ kudristoj, tajloroj, vendistoj por alĝustigi vestojn aŭ por prezenti ilin al la publiko.
Etimologio
La vorto manekeno venas el la nederlanda vorto "manneken", kiu signifas vireton kaj servis originale kiel modelo por pentristoj kaj tajloroj.