Maršovický vrch (Ralska montetaro)

Maršovický vrch
monto
Burgo Jestřebí kaj Maršovický vrch de Puchavec
Oficiala nomo: Maršovický vrch
Lando	Ĉeĥio
Regiono	Regiono Liberec
Distrikto	Distrikto Česká Lípa
Historia regiono	Bohemio
Montaro	Ralska montetaro
Akvejo	Robečský potok, Bobří potok
Situo	Maršovický vrch
- alteco	495 m s. m.
- koordinatoj	50° 35′ 00″ N 14° 34′ 36″ O (mapo)
Geologia konsisto	grejso, vulkana roko, skisto
Horzono	MET (UTC+1)
- somera tempo	MET (UTC+2)
Situo enkadre de Ĉeĥio Situo enkadre de Ĉeĥio
Vikimedia Komunejo: Maršovický vrch
Portalo pri Geografio

Maršovický vrch (ĉirkaŭ 495, antaŭe 515 m s. m.) estas monto en distrikto Česká Lípa, en Regiono Liberec. Ĝi situas proksimume 1 km oriente-nordoriente de municipo Chlum sur katastra teritorio de setlejoj Chlum, Maršovice, Újezd kaj Jestřebí.

Fonolita rompo sur Maršovický vrch

Geomorfologia envicigo

La monto apartenas en tutaĵon Ralska montetaro, subtutaĵon Doksa montetaro, distrikton Polomené hory, subdistrikton Housecká vrchovina. Ĉi tien apartenas ankaŭ okcidente situantaj montoj Strážný vrch (468 m s. m.) kaj Holý vrch (428 m s. m.) (komune kun Maršovický vrch ili kreas senperan trimontejon sur okcidenta-orienta linio), la tuta montoriĉa plataĵo en orienta rando (forkigita de grejsaj ravinoj – en unu el ili ekz. kaverno Braniborská jeskyně), monto Šedina (473 m s. m.) kaj dumontejo Skalka (382 m s. m.).

Malpezaj fortikaĵoj

Sur Maršovický vrch komencas linio de malpezaj fortikaĵoj, kiu apogas sin je deklivoj de la monto, tratranĉas ŝoseon I/38 kaj finas sur montopiedo Dědek. En konstrusektoro Q2 Jestřebí (konsisto de Vando Liběchov) estis sume 23 objektoj konstrue finitaj en aŭgusto kaj en septembro de 1938, sed armigitaj kaj ekipitaj ili jam ne estis. Tri el la objektoj (registritaj de DFL kaj markitaj per numeroj 36, 231 kaj 233) troviĝis en miniga spaco de minejo kaj pro sekvoj de la minado ili jam senspure malaperis.

Aliro

Plej proksime eblas alveturi per aŭtomobilo ĝis Chlum aŭ ĝis Maršovice, poste daŭrigi piede sur arbaraj vojoj pli supren. La vojo al la montopinto estas danĝera kaj eniri en la ŝtonminejon oficiale malpermesita. Tra la suda deklivo kondukas flava turisma marko el Chlum ĝis Sedla pod Maršovickým vrchem, kie ligas ruĝa marko kaj je iom pli krucigas ĝin verda.