MathWorld

El Vikipedio, la libera enciklopedio
Saltu al: navigado, serĉo

MathWorld (angle: matematik-mondo) estas retejo pri matematiko, fondita de Eric W. Weisstein. Ĝi estas kvazaŭ reta leksikono pri matematiko. Mecenatas ĝin Wolfram Research Inc. kaj la projekto National Science Digital Library de la usona fondaĵo National Science Foundation.

Weisstein ekde 1995 enretigis siajn notojn pri matematikon sub la titolo Eric's Treasure Trove of Mathematics (la matematika trezortrovaĵo de Eric). Ĉirkaŭ 1997 li kontraktis kun eldonejo CRC Press pri libra kaj lumdiska publikigo de la materialo sub la titolo CRC Concise Encyclopedia of Mathematics ("konciza matematika enciklopedio de CRC"). Kiam en 1999 li eklaboris por Wolfram Research Inc., tiu firmao transprenis la retejon kaj renomis ĝin MathWorld. Ĝi garantiis liberan aliron.

En 2000 CRC jurprocese postulis kaj atingis la fermon de la retejo, kiu estis konkurenca al ĝiaj libro kaj disko. Post interkonsento kaj pago de Wolfram Research al CRC la retejo ree estis malfermita kaj denove estas senkoste alirebla.

Eksteraj ligiloj[redakti | redakti fonton]