Mendel-Universitato en Brno
La Mendel-Universitato en Brno (mallonge MENDELU) estas plej malnova agrikultura kaj forsta universitato en Ĉeĥio. Ĝi fondiĝis en la jaro 1919 kiel Altlernejo agrikultura kaj tiel nomiĝis ĝis la jaro 1994. Ekde la jaro 1995 ĝi portis la nomon Agrikultura kaj forsta universitato de Mendel. En la jaro 2010 okazis plia nomŝanĝo, al Mendel-Universitato en Brno, ĉar jam ne temas pri pure agronoma universitato, sed en la oferto troviĝas ankaŭ informadikaj kaj ekonomikaj fakoj. Nuntempe ĝi havas kvin fakultatojn kaj pli ol 10.000 studentojn.[1] Rektoro estas prof. Ing. Jaroslav Hlušek, CSc.[2]
Administra divido
La Mendel-Universitato havas 5 fakultatojn kaj unu instituton.
Fakultatoj (ligiloj al interretaj paĝoj aŭ al artikoloj)
- Agronomia fakultato
- Forsta kaj lignista fakultato
- Fakultato de ekonomiko kaj manaĝerado
- Ĝardena fakultato
- Fakultato de regiona evoluo kaj internaciaj studoj
- Instituto de tutviva edukado
Situo de la universitato
La Mendel-Universitato lokiĝas en la urboparto Brno-sever. Temas pri arealo de konstruaĵoj, en kiu okazas plejparto de la edukado. En la arealo troviĝas ankaŭ manĝejo por la studentoj kaj dungitoj. Per speciala ponto super ŝoseo estas la arealo ligita kun arboreto en kiu troviĝas ankaŭ du pliaj lernoĉambroj. Ne for de la arboreto estis en la jaro 2010 aĉetita konstruaĵo por la Fakultato de regiona evoluo kaj internaciaj studoj. Malkiel la ceteraj, la ĝardena fakultato situas ekster Brno, en Lednice en suda Moravio.
Studenthejmoj
La Mendel-Universitato havas 3 studenthejmojn en Brno kaj unu en Lednice.
Referencoj
- ↑ http://www.mendelu.cz/cz/o_univerzite
- ↑ http://mendelu.cz/cz/o_univerzite/vedeni_univerzity/rektor