Mia Europo

	Mia Europo
gazeto
Ĝenro	Porinfana malkovra magazino pri Eŭropa Unio
Periodeco	Ĉiumonata
Lando	Francio
Urbo	Parizo
Publikigisto	Mia Europo SAS (memeldono)
Ĉefredaktisto	Pauline Colin
Establodato	2018
Lingvoj	franca
Retejo	https://www.miaeuropo.eu/
	v • d • r

Mia Europo^{[nb 1]} estas porinfana (de 8 jararĝe) sendependa, senreklama ĉiumonata revuo pri Eŭropa Unio, fondita en 2018 de Pauline Colin, diplomiĝinta fakulo pri eŭropaj aferoj^[4]. Ĝi celas konigi kaj rakonti Eŭropon al infanoj per artikoloj kaj aktualaĵoj. Ĉiumonate, lando aŭ regiono estas honorita per tuta artikolaro kiu esploras ĝiajn geografion, historion, kulturon, lingvon, gastronomion kaj sportadon. Dua parto de la magazino konsistas el eŭropaj kaj mondaj aktualaĵoj porinfane klarigitaj^[5].
Pauline Colin: "(La nuntempaj infanoj) naskiĝis en la "jam konstruita" Eŭropa Unio. Ĝi estas la sola generacio, kiu konis nur la eŭron, la malfermajn limojn, la eŭropan pasporton ... Eŭropo estas parto de ilia ĉiutaga vivo, sed ili tre malmulte aŭdas pri ĝi. Do "Mia Europo" estas subteno por ebligi al ili, en la lernejo aŭ hejme, malkovri Eŭropon kaj poste konstati, ke ili estas parto de ĝi, ke ili estas eŭropanoj!"^[1]