Monaĥejo de Horezu

El Vikipedio, la libera enciklopedio
Saltu al: navigado, serĉo
Horezu church.jpg

La monaĥejo de Horezu (rumane Mănăstirea Horezu), de la Rumana Ortodoksa Eklezio, estis konstruita en la jaroj 1690 kaj 1693 de la valaĥa princo Constantin Brâncoveanu en la loĝloko Horezu (Vâlcea, Rumanio). Ĝi estas konsiderita kiel majstra ĉefverkaĵo de la "Brâncoveanu-stilo". Ĝi elstaras pro la ekvilibro kaj pureco de la arkitekturaj linioj, la riĉeco de la skulpitaj detaloj, la religiaj komponaĵoj kaj la pentraĵoj. En la 18-a jarcento estis en la monaĥejo lernejo por pentristoj (murpentraĵoj kaj ikonoj) kiu famis en la tuta eŭropa sudoriento. Ĝia biblioteko konservas elstarajn eldonaĵojn el la 16-a jarcento de klasikaj aŭtoroj. En 1993 ĝi estis deklarita kiel Monda heredaĵo de UNESKO.