Népszava

El Vikipedio, la libera enciklopedio
Saltu al: navigado, serĉo

Népszava (Nepsava ~ popolvoĉo) estas taga gazeto en Hungario, iama gazeto de socialdemokratoj.

La gazeton fondis, ekis en 1877 KÜLFÖLDI Viktor. En 1880 ĝi estis centra gazeto de la hungara Socialdemorata Partio, kiel posteulo de la Munkás Heti Krónika (Laborista Semajna Kroniko). Ĝi estas ekde 1905 taggazeto.

Redaktoroj estis inter 1898-1918 GARAMI Ernő, poste ĝis 1941 SOMOGYI Béla, Weltner Jakab, MÓNUS Illés, Árpád Szakasits.

Estis historia evento la kristnaska numero de la gazeto, en kiu aperis deklaro de la antifaŝisma unueca fronto. Post tio, la gvidantoj de la socialdemokrata partio forigis Árpád Szakasits-on kiel redaktoron. Post la faŝisma okupo de Hungario en 1944, oni malpermesis la gazeton, kiu aperis nur post la liberiĝo de la lando.

Ekde 1948, ĝi estis gazeto de la Tutlanda Konsilantaro de Sindikatoj. Inter 1956 kaj 1958 ĝi aperis sub nomo Népakarat [ne'pakarat] (Popol-volo).

La gazeto eĉ hodiaŭ (2005) gardas sian socialdemokratan vidpunkton.