Parlamento de Nepalo
| Parlamento de Nepalo | ||
|---|---|---|
| संघीय संसद नेपाल (Saṅghīya Sansada Nēpāla) | ||
| ||
| ||
| Fondodato | la 5-an de marto 2018 | |
| TTT-ejo | Oficiala retejo | |
| Parlamento de Nepalo | |||||
|---|---|---|---|---|---|
| संघीय संसद नेपाल (Saṅghīya Sansada Nēpāla) | |||||
|
| |||||
|
| |||||
| duĉambra parlamento | |||||
| Komenco | la 5-an de marto 2018 | ||||
| Antaŭe | 2nd Nepalese Constituent Assembly vd | ||||
| Lando(j) | Nepalo vd | ||||
| |||||
| Retejo | Oficiala retejo | ||||
La Federacia Parlamento de Nepalo (nepale संघीय संसद नेपाल, latinliterigite Saṅghīya Sansada Nēpāla estas la duĉambra ŝtata parlamento de Nepalo establita la 5-an de marto 2018. Ĝi konsistas el la Nacia Asembleo (la supra ĉambro, nepale राष्ट्रिय सभा; Rāṣṭriya sabhā) kaj la Ĉambro de Reprezentantoj (la suba ĉambro, nepale प्रतिनिधि सभा; Pratinidhi sabhā).
La konsisto kaj potencoj de la Nacia Asembleo estas establitaj fare de Parto 8 kaj 9 el la Konstitucio de Nepalo. Estas entute 59 membroj: 8 membroj estas elektitaj de ĉiu el la sep provincoj fare de balota kolegio de ĉiu provinco, kaj tri estas nomumitaj fare de la ŝtata prezidanto laŭ rekomendo de la registaro. La membroj servas etapajn sesjarajn oficperiodojn tia ke la oficperiodo de unu triono de la membroj eksvalidiĝas ĉiujn du jarojn.
La Ĉambro de Reprezentantoj havas 275 membrojn, 165 elektitaj en balotodistriktoj kaj 110 elektitaj tra proporcia balotsistemo kie balotantoj voĉdonas por partioj, konsiderante la tutan landon ununuran balotdistrikton. La ĉambro de reprezentantoj, krom se dissolvite, daŭre funkciigas dum kvin jaroj de la dato nomumita por sia unua renkontiĝo. Tamen, en krizostato, la periodo de la ĉambro de reprezentantoj povas esti plilongigita, ne superante unu jaron laŭ federacia juro. La nuna Ĉambro de Reprezentantoj estis elektita per la ĝeneralaj elektoj okazigitaj la 20-an de novembro 2022, kaj ĝia unua sesio kunvenigis la 9-an de januaro 2023.