Reigandō
Reigandō (霊巌洞, kaverno de la rokaj animoj) estas kaverno en la okcidenta parto de la gubernio Kumamoto, Japanio, kiu fariĝis la portempa loĝejo de la legenda skermisto, Miyamoto Musashi. De 1643, Miyamoto pasigis multajn el siaj lastaj monatoj en tiu ĉi kaverno, meditanta kaj verkanta sian libron, la "Libro de kvin ringoj". La kavernon oni povas facile atingi per buso de la urboj Kumamoto aŭ Tamana.