Rutuloj
Rutuloj estas malgranda indiĝena etno en sud-okcidento de Dagestano ĉe rivero Samur. Totalo de rutuloj apenaŭ superas 60 mil (datumoj de 2010). Rutuloj havas propran distrikton en la montara parto de Dagestano, kio sekurigas al ili certan kulturan kaj administracian aŭtonomion.
- Memnomo: мых адбыр (prononcu miĥ adbir).
- Lingvo: la rutula. Ankaŭ la rusa kaj la azerbajĝana estas parolataj.
Kulturo
Rutuloj ricevis fortan kulturan influon de Azerbajĝano (ankaŭ pro tio, ke migrantaj paŝtistoj ĉiujare iris kun sia brutaro al paŝtejoj en la sudo). Kulture rutuloj estas proksimaj al lezgoj.