Serhij Pritula

Serhij Pritula
Persona informo
Сергій Дмитрович Притула
Naskiĝo	22-an de junio 1981 (1981-06-22) (42-jaraĝa) en Zbaraĵ
Ŝtataneco	Ukrainio vd
Alma mater	Okcident-Ukrainia Nacia Universitato • Ukraina Katolika Universitato vd
Partio	Holos vd
Profesio
Okupo	aktoro • televida produktoro • televida prezentisto • radio-prezentisto • prezentisto • komikisto • produktoro • humuristo • televida aktoro • politikisto • publika konato • scenaristo vd
Aktiva dum	2004– vd
Honorigoj Honorigoj Popola Heroo de Ukrainio • Ordeno «Pro Merito», Tria Klaso • Ordeno «Pro Merito», Dua Klaso vd
En TTT	Oficiala retejo vd
vd	Fonto: Vikidatumoj

Serhij Dmitroviĉ PRITULA (ukraine Сергій Дмитрович Притула, 22-a de junio 1981, Zbaraĵ, Ternopila provinco, Ukraina SSR, Sovetunio) estas ukraina socia aktivulo kaj politikisto kiu akiris popularecon kiel televidprezentisto kaj produktoro. Ekde la plenskala rusa invado de Ukrainio, li koncentriĝis pri monkolektado por la bezonoj de la Armitaj Fortoj de Ukrainio.

Biografio

En 1998-2003, Pritula laboris kiel radioprezentisto. En 2004, Pritula komencis aperi en televido. Poste, li akiris larĝan popularecon kiel televidprezentisto.

En 2019 Pritula aniĝis al la politika partio "Holos" (laŭvorte el la ukraina — Voĉo) kaj partoprenis en la elektoj al la Verĥovna Rada de Ukrainio, sed ne ricevis mandaton. En 2020 Pritula partoprenis en la urbestraj elektoj de Kijivo. Li ricevis 8% de la voĉoj kaj prenis la trian lokon.

La 7-an de junio, Pritula anoncis sian foriron de la partio "Holos" pro malkonsento kun la decidoj de la partia estraro kaj la voĉoj de sampartianoj. La 28-an de septembro, Pritula sciigis pri kreado de sia propra partio kaj partopreno en la venontaj parlamentaj elektoj.

Kun la komenco de la plenskala rusa invado en Ukrainion, Serhij Pritula estas unu el la plej elstaraj volontuloj kolektantaj monon por la bezonoj de la ukraina armeo.