Torremejía
Torremejía [TorremeĤIa] (Turo de la familio Mejía) estas municipo de Hispanio, en la provinco de Badajoz, regiono de Ekstremaduro.
La loĝantoj nomiĝas torremejienses. La censita populacio en 2008 estis de 2.223 loĝantoj.
Situo
Torremejía estas situa en la centra parto de Ekstremaduro norde de la komarko aŭ distrikto La Siberia, je altitudo de 302 m; je 72 km de Badajoz, provinca ĉefurbo kaj je 15 km de Mérida, la regiona ĉefurbo. La surfaco de ties teritorio estas de 24,3 km².
Distoj de aliaj vilaĝoj:
- de Almendralejo: 12 km
- de Alange: 11 km
- de Zarza de Alange: 15 km
- de Arroyo de San Serván: 11 km
Limoj
- norde kun la municipa teritorio de Mérida.
- oriente kun tiuj de Mérida, Zarza de Alange, Alange kaj Villagonzalo.
- sude kun tiuj de Mérida kaj Almendralejo kaj
- okcidente kun tiu de Mérida
Ekonomio
Agrikulturo kaj brutobredado.
Literaturo
Tiu estas la vilaĝo kie okazas la agado de fama romano de Camilo José Cela nome "La familia de Pascual Duarte" esperantigita kiel La familio de Pascual Duarte. En la romano oni ne mencias la nomon de la vilaĝo, sed oni donas tiom sufiĉe da informo ke ne eblas konfuzo.
