VGIK

El Vikipedio, la libera enciklopedio
Saltu al: navigado, serĉo
VGIK-Moscow, Russia.jpg

VGIK (ruse ВГИК – Всероссийский Государственный Институт Кинематографии имени Сергея Герасимова), Tutrusia Ŝtata Universitato de Kinematografio nome de Sergej Gerasimov. Ĝi estas la unua en la mondo universitato instruanta studentojn en ĉi-fako.

La 1-an de septembro 1919 aperis La Ŝtata Kino-lernejo, kiun estris aktoro kaj reĝisoro Vladimir Gardin. En 1920 tie oni produktis la unuan sovetian filmon “Serpo kaj Martelo”. En 1924 oni aperigis studion de animacia kino, kiu atingis grandan sukceson. En 1931 oni organizis la unuan filmotekon, kiu nun estas plej granda arkivo de filmoj produktitaj en Sovetunio, tre valora heredaĵo de ĝia popolo. La 17-an de majo 1938 aperis ĝia nova nomo – VGIK.

En 1944 komencis funkcii la reĝisora studio gvidita de Sergej Gerasimov kaj Tamara Makarova (lia edzino). Dum pli ol kvardek jaroj la geedzoj instruis 106 geaktorojn kaj 108 gereĝisorojn. Ekde 2004 en la universitato funkcias la kolegio instruanta studentojn en malpli alta nivelo. Gediplomitoj de VGIK laboras en 90 landoj de la mondo.

Konstruaĵoj de VGIK najbaras kun Gorkij filmstudio situanta en Ostankino (distrikto) de Moskvo. Ambaŭ objektoj kunlaboras en produktado de filmoj kaj instruado de studentoj.

Eksteraj ligiloj[redakti | redakti fonton]