Disperso (optiko)
Pri la aliaj sencoj de la vorto vidu apartigilon varianco (apartigilo).
En optiko, varianco aŭ disperso [1] estas malkomponiĝo de lumo laŭ koloroj. Rezulte el ne tro dika radio de blanka lumo fariĝas diverskolora bendo. En ĝia unua ekstremo videblas ruĝa koloro, poste oranĝkolora, flava, verda, blua kaj violkolora en la alia ekstremo. Ekster limoj de la videbla parto estas areoj de transruĝa lumo kaj transviolkolora lumo.
Disperso okazas kiam lumo trairas optikajn aparatojn, kie estas refrakto pro tio, ke indico de refrakto de la refraktanta medio dependas de frekvenco (aŭ longo de ondo) de la lumo.
Tia disperso estas kaŭzo de kolora aberacio en objektivoj kaj lensoj.
Disperso okazas ankaŭ kiam lumo trairas difraktan kradon aŭ estas respegulata de ĝi.