Vikipedio:Redaktomilito

El Vikipedio, la libera enciklopedio
Saltu al: navigado, serĉo
Tio ne estas solvo por redaktomilito!

Redaktomilito (angle edit war) okazas kiam du aŭ pluraj vikipediistoj ne konsentas pri la enhavo de paĝo kaj tial re- kaj re-redaktas ĝin, por maligi la redaktojn de la aliulo.

Ekzemplo[redakti | redakti fonton]

Ekzemple vikipediisto A skribis en la artikolon pri Zamenhof ke Zamenhof naskiĝis la 15-an de decembro. Jen vikipediisto B opinias ke la dato estis la 3-a de decembro kaj ŝanĝas tion. A vidas la redakton, opinias ĝin erara kaj denove enmetas la 15-an de decembro. B, kolere, "malfaras" tion kaj skribas denove "3-a de decembro". Kaj tiel plu.

Kial redaktomilito estas malŝatata?[redakti | redakti fonton]

Redaktomilito estas tre negativa okazo, ĉar:

  • Labortempo estas malŝparata.
  • Redaktomilito donas malbonan impreson pri la militantoj.
  • Aliaj vikipediistoj malfacile povas redakti la paĝon.
  • La historio de la paĝo fariĝas longa kaj malfacile superrigardebla.
  • Ĉiu unuopa versio de paĝo kostas retspacon (ĉe longaj artikoloj tio estas surprize multe!).

Kiel oni evitas aŭ solvas redaktomiliton?[redakti | redakti fonton]

Tio estas solvo: Havu fakan literaturon kaj konsultu, kio estas enhave ĝusta.
  • Konsultu kun la "oponanto" per la diskutpaĝo aŭ per retpoŝto.
  • Konsultu fakliteraturon.
  • Petu aliajn vikipediistojn pri komento.
  • Lasu la paĝon dum kelke da tempo, kaj poste revenu kun pli da trankvilo.

Bonŝance, en Vikipedio en Esperanto redaktomilitoj estas maloftaj.

Regulo de tri malfaroj[redakti | redakti fonton]

La regulo de tri malfaroj (aŭ R3M) estas politiko de multaj vikioj (dume ne en Esperanta Vikipedio). La politiko asertas, ke redaktanto devas ne realigi pli ol 3 malfarojn, tutajn aŭ partajn, de koncerna Vikipedia artikolo ene de 24 horoj. Tiu ĉi regulo povas havi devigon - kutime, ke redaktanto kiu faras pli ol 3 tiajn malfarojn estas forbarita por unu tago.

En situacio kiam estas du grupoj de redaktantoj kaj ĉiu grupo malfaras redaktoj de la dua grupo, la artikolo finiĝas en la stato kiun preferas la pli granda grupo. Se tiu artikolstato ne kontraŭas Vikipediajn principojn, oni povas ĝin konsideri "volo de la komunumo".

La politiko celas subtenadi diskutadon inter redaktantoj kun diversaj opinioj kaj eviti kruelajn redaktomilitojn. De tiu vidpunkto estas malrekomendinda ankaŭ farado de precize 3 malfaroj ĉiutage kelkajn sinsekvajn tagojn. Alternative aŭ kompletige eblas ŝlosi koncernan artikolon.

Vidu ankaŭ[redakti | redakti fonton]