La Evoluo de Telefonio

La Evoluo de Telefonio
	La Evoluo de Telefonio
Aŭtoro	J. R. G. Isbrücker
Eldonjaro	1928
Urbo	Berlino
Eldoninto	Rudolf Mosse
Paĝoj	62
	v • d • r

La Evoluo de Telefonio ^[1] estas 62-paĝa libro originale verkita en Esperanto de inĝeniero J. R. G. Isbrücker. Ĝi estas eldonita en la jaro 1928 ĉe Rudolf Mosse en Berlino kiel numeroj 21-22 de la serio Biblioteko Tutmonda.

Recenzoj[redakti | redakti fonton]

„ Resumas vorte kaj bilde, kion ĉiu devus scii pri la temo. ”

— 1929, Georges Stroele, Esperanto, paĝo 62

„ En 48 paĝa broŝuro kaj per aparte aldonitaj 24 figuroj donas al ni la aŭtoro tre interesan popolarsciencan priskribon pri evoluo de la telefono de ĝia komenco ĝis la nuna tago. Krom detala klarigo de diversaj aparatoj kaj ilia sistemo, instruas la verketo pri instalo kaj funkciado de la diversaj telefoncentrejoj kaj pri senfadena telefonado, kiu nuntempe jam estas enkondukata en la navigado kaj aviado kun granda sukceso. Speciale la trielektroda lampo ludas gravan rolon en la radiotelefonado kaj ĝi estos eĉ la ĉefa kontribuanto por estontaj sukcesoj. La fakscienca teksto estas por ĉiu, ankaŭ nefakulo, tre facile legebla kaj prezentas tre instruigan materialon. ”

— Sós. Aŭstria Esperantisto n.63 (mar 1930)