Katrineholm

Ĝemelurboj
	Odder vd

Katrineholm
komunumo de Svedio vd
	Blazono
Administrado
Lando	Svedio
Regiono	Svealand
Provinco	Södermanlands län
Historia provinco	Södermanland (Sudermanio)
Centra loĝloko	Katrineholm
Ĝemelurboj
	Odder vd
En TTT	Oficiala retejo [+]
Demografio
Loĝantaro	34 210 (2024) [+]
Loĝdenso	29 loĝ./km²
Geografio
Geografia situo	59° 0′ N, 16° 12′ O (mapo)58.99555555555616.206111111111Koordinatoj: 59° 0′ N, 16° 12′ O (mapo) [+]
Areo	1189,52 km² ( 118 952 ha) [+]
	Katrineholm (Svedio)
	Situo de Katrineholm
Alia projekto
	Vikimedia Komunejo Katrineholm Municipality [+]
	v • d • r

Katrineholm estas komunumo (svede kommun) en Svedio. Ĝi situas en la moderna provinco Södermanlands län kaj la historia provinco Södermanland (Sudermanio) de mezokcidenta Svedio, kaj apartenas al la regiono Svealand, la meza landotriono de Svedio. Centro de la komunumo estas la samnoma urbo Katrineholm. Laŭ la stato de 2024 en la komunumo vivis 34 210 loĝantoj sur areo de 1 189,52 kvadrataj kilometroj, kio rezultigas loĝdenson de 29 loĝantoj/km². La teritorio havas komunan limon kun Eskilstuna, Flen, Nyköping, Norrköping, Finspång kaj Vingåker.

La centra urbo Katrineholm havis fortan industrian sektoron, al kies ekonomio kontribuis pluraj multnaciaj entreprenoj kiel Ericsson kaj Scania, sed en la 1990-aj jaroj pluraj el tiuj kompanioj reduktis sian laboristaron en Katrineholm. Nuntempe, multaj urbanoj laboras ekster la urbo, aparte en Stokholmo, ĉar la trajnkonekto inter Katrineholm kaj pluraj aliaj aparte gravaj urboj de Svedio rapidas kaj komfortas.

Rilato al Esperanto

En malgranda paroĥo proksime al la urbo Katrineholm en la komunumo naskiĝis, kreskis kaj antaŭ sia morto plurajn jarojn vivis la esperantisto Valdemar Langlet, fondinto de la Esperanto-Klubo de Upsalo, la laŭ fondodato dua Esperanto-klubo de la mondo: Li dum la Dua Mondmilito laboris kiel universitata instruisto de la sveda lingvo kaj ambasadora dungito en Budapeŝto kaj savis la vivojn de multaj nazie persekutitaj judoj kaj ankaŭ hungaroj.