Akebono Taro
AKEBONO Taro naskiĝis la 8an de majo 1969 en la usona Havajo kaj lia nomo tiam estis Chad George ROWAN. Li iris en Japanion por iĝi sumoa luktisto en la teamo (japane heya) Azumazeki de la ekssumoisto Takamiyama, kiu mem estis de havaja deveno. AKEBONO estas la unua fremlandano kiu iĝis jokozuno, kaj li gajnis dekunu konkursoj (japane basho). Li edziĝis kun japanino kaj prenis la japanan civitanecon kun nova nomo de AKEBONO Taro. Li emeritiĝis kiel sumoisto en januaro 2001.