Antaŭdaŭrigo
Antaŭdaŭrigo (kelkfoje ankaŭ antaŭepizodo aŭ praepizodo) estas verko (filmo, libro, kaj simile) kiu estas eldonita post alia verko, sed kronologie okazas antaŭ la pli frue eldonita verko. Multaj lingvoj uzas la anglan prequel [prikvel], kiu estas vortokunfando el pre = antaŭ kaj sequel = daŭrigo.
Fama ekzemplo estas la epizodoj 1 ĝis 3 de Star Wars (aperintaj inter 1999 kaj 2005), kiuj rakontas la tempon antaŭ la epizodoj 4 ĝis 6 (aperintaj inter 1977 kaj 1983).
