Arktika (glacirompilo)

El Vikipedio, la libera enciklopedio
Salti al navigilo Salti al serĉilo

Atomŝipo Arktika (en rusa: «Арктика») estas retirita atompelita glacirompilo de Sovetunio (nune de Rusio). Ĝi funkciis de 1975 ĝis 2008, kaj estis la unua surfaca ŝhipo kiu atingis la punkton de la Norda Poluso, nome la 17-an de aŭgusto 1977.[1]

Konstruo de la ŝipo komenciĝis en la Balta Ŝipkonstruejo de Leningrado la 3-an de julio 1971.[2] Martestado kompletiĝis sukcese la 17-an de decembro 1975.

En 1982 la ŝipo estis renomita Leonid Breĵnev honore de Leonid Breĵnev, nome Ĝenerala Sekretario de la Centra Komitato de la Komunisma Partio de Sovetunio el 1964 ĝis sia morto en 1982.[3] En 1986 la nomo revenis al Arktika, laŭ kelkaj rakontoj ĉar la ŝipanaro malamis la novan nomon kaj malakceptis respondi al radiomesaĝoj se la ŝipo ne estis referencata kiel Arktika. Post unu semajno de striko, la nomo estis reŝanĝita.[4] Alia klarigo estas ke la origina nomoŝanĝo estis okazigita de administra konfuzo, kaj la nomo Leonid Breĵnev ne estis aplikota al Arktika, sed ĝi estis intencita por alia ŝipo.[5]

Memoraĵo honore al la konkero de la Norda Poluso fare de la glacirompilo Arktika en 1977, ĉe la loka muzeo de la Murmanska regiono.
Arktika ĉe Rusia poŝtmarko.
Arktika ĉe Murmansk, Julio 2012.

Notoj[redakti | redakti fonton]

  1. PAINE, Lincoln P. (1997) Ships of the World. Houghton-Mifflin. ISBN 0-395-71556-3.
  2. Olagaard, P. Reistad, O. (aprilo 2006). Russian Nuclear Power Plants for Marine Applications
  3. Kireeva, A. (6a de oktobro, 2008). Reactor to Russian nuclear icebreaker Arktika stopped, signalling dusk on a golden age of Soviet Technology/Bellona.Org. http://www.bellona.org/articles/articles_2008/Artkika_shutdown
  4. Walston, O. (1994), Arktika. London: Reed Consumer Ltd.
  5. Arctic legend: Saving North Pole conqueror, rt.com, 9a de Oktobro, 2012