Artikolo (juro)

El Vikipedio, la libera enciklopedio
Saltu al: navigado, serĉo

Artikolo en juraj tekstoj estas ĉiu el la apartaj sekcioj, je kiuj estas dividita leĝo, traktato, statuto kaj simile.

Internacie unueca uzo ne ekzistas. Male ĝi estas forte malsimila laŭ la lingvoj kaj tradicioj de la unuopaj jur-sistemoj, eĉ se ili uzas la saman lingvon.

Eŭropa Unio[redakti | redakti fonton]

La sekciojn de juraj instrumentoj de Eŭropa Unio oni kutime nomas "artikolo", ties subdividojn "paragrafoj".

Germanio[redakti | redakti fonton]

En Germanio la termino Artikel (artikolo) kutime estas uzata nur por nomi sekciojn de aparte bazaj kaj gravaj juraj dokumentoj, ekzemple de la konstitucio, dum en plej multaj leĝoj kaj kodoj oni parolas pri Paragraph "paragrafo" (simbolo "§"), ekzemple en la civila kodo. Ties subdividoj oni nomas Absatz (alineo).

Svislando[redakti | redakti fonton]

En la germana jura lingvaĵo de Svislando oni ofte uzas "artikolo" ankaŭ en ĝeneralaj leĝoj kaj kodoj, kiel ekzemple en la civila kodo por nomi la sekciojn, kiujn oni en Germanio nomas paragrafo.

Usono[redakti | redakti fonton]

En la jura lingvaĵo de Usono oni kutime parolas pri article (artikolo), kies subdividojn oni nomas section (sekcio).

Aliaj uzoj[redakti | redakti fonton]

Plurale oni figurasence uzas la terminon "artikoloj" por nomi la tuton de artikoloj de difinita jura instrumento, do sinonime por kontrakto, traktato, pakto ktp. Ekzemplo estas la Artikoloj de Konfederacio (Usono).

Vidu ankaŭ[redakti | redakti fonton]