Benia

El Vikipedio, la libera enciklopedio
Saltu al: navigado, serĉo
Pitoreska pejzaĝo en la vilaĝo Benia
La regiono de la rivereto Tătarca en la vilaĝo Benia

Benia [be-nja, be-ni-ja] estas malgranda vilaĝo el Bukovino en norda Rumanio, situanta je latitudo de 47º38' N kaj longitudo de 25º29' E (47°38′N 25°29′O  /  47.633°N, 25.483°O / 47.633; 25.483 (Benia)Koordinatoj: 47°38′N 25°29′O  /  47.633°N, 25.483°O / 47.633; 25.483 (Benia)), inter la montaroj Feredeu [Feredeŭ] kaj Mestecăniş [Mestekaeniŝ]. La meznombra alteco supre la mara nivelo estas de 1000 metroj, la ĉirkaŭaj montoj atingas 1500 metrojn. La rivero Moldova fluas tra la vilaĝo. Aliaj akvofluoj estas la riveretoj Tătarca [Taetarka] (La Tatarino) kaj Pârâul Benii [Piriul Benij] (La Rivereto de Benia). Benia apartenas al la komuno Moldova-Suliţa kaj havas ĉirkaŭ 500 loĝantojn. Spite la malgrandan loĝantaron la vilaĝa areo estas sufiĉe larĝa, ampleksante kelkajn dekojn da kvadrataj kilometroj. 18 kilometrojn norde troviĝas la limo kun Ukrainio.
La ĉefaj okupoj estas la bredado de bovinoj kaj la ligno-prilaborado. 38 % el la loĝantoj estas huculoj, kiuj ankaŭ parolas ukrainsimilan dialekton, sed la tuta loĝantaro estas flua en la rumana lingvo. La plejparto de la loĝantaro estas ortodoksaj kristanoj, kun adventista kaj pentekosta kiel aliaj kristanaj minoritatoj.
La nomo Benia venas el olda rumana aŭ slava vorto, kiu signifas 'minejo'. Arĝentminejo ekzistis tie ĝis la 13-a jarcento. Tiam granda tatara invado minacis la regionon, la vilaĝanoj preferis detrui ĝin ol permesi la kapton de la minejo. La minejo neniam poste estis malfermita.
Esperantista movado aperis tie en 1989. En 2006 ekzistis du personoj fluaj en Esperanto en la vilaĝo.