Cú Chulainn

Cú Chulainn
legenda heroo persono de irlanda mitologio
Verko	Táin Bó Cúailnge Fled Bricrenn Serglige Con Culainn Tochmarc Emire Compert Con Culainn Aided Óenfhir Aífe Mesca Ulad The Boyhood of Cohoolin Father and Son The Battle of the Companions The Death of Cohoolin
Informoj
Sekso	vira
Mortigita de	Lugaid mac Con Roí
Okupo	batalisto
Patro	Lugh
Patrino	Deichtine
Edzo/Edzino	Emer
Kunulo	Aífe • Fand • Uathach
Infanoj	Connla

Sétanta mortigas la gardhundon

Cú Chulainn ([Kuĥulen], [kuːˈxʊlˠɪnʲ], irlande por "la leporhundo de Culann", ankaŭ literumita ekz-e Cúchulainn, Cú Chulaind, Cuchullin) estas irlanda mitologia heroo kiu ekaperas en la rakontoj de la Ulster-ciklo, same kiel en la skota kaj manksa folkloro. La filo de la dio Lugh kaj homa virino Deichtine (fratino de reĝo Conchobar-Mac Nessa) estis origine nomita Sétanta.

Li akiris sian pli konatan nomon kiel infano post kiam li mortigis la mordeman gardohundon de Culann en memdefendo, kaj ofertis preni ĝian lokon dumtempe. En la aĝo de dek sep li defendis la historian reĝlandon de Ulster sola kontraŭ la armeoj de reĝino Medb de Connacht en la eposa Táin Bó Cúailnge ("Brutaro-atako de Cooley"). Estis profetite ke liaj heroaj faroj donus al li eternan famon, sed ke lia vivo estus mallonga. Pro tio li estas komparata al la greka heroo Aĥilo. Li estas konata por sia timiga batalofuriozo aŭ ríastrad (simila al la furiozo de berzerker, kvankam foje nomite "varpospasmo" pro la fizikaj ŝanĝoj kiuj okazas en la militisto), en kiu li fariĝas nerekonebla monstro kiu konas nek amikon nek malamikon. Li batalas de sia armea ĉaro, veturigita de lia lojala ĉaristo Láeg, kaj tirita de liaj ĉevaloj, Liath Macha kaj Dub Sainglend. En pli modernaj tempoj, Cú Chulainn ofte estas referata kiel la "Leporhundo de Ulster".