Perimetro

Perimetro estas la sumo de la longoj de ĉiuj lateroj de geometria figuro. La perimetro de triangulo, do, estas la sumo de ĉiuj tri lateroj. La ĝenerala formulo — la sumo de ĉiuj flankoj — ne ĉiam estas oportuna por kalkulado de la perimetro; tial oni uzas aliajn formulojn por multanguloj kun konataj ecoj (ekz. por kvadrato oni povas simple kvarobligi la longon de unu latero).

Perimetro de plurlateroj

Plurlatero	Formulo	Parametroj
Triangulo	$a+b+c\;$	a, b kaj c estas la longoj de ĉiuj el la tri lateroj.
Paralelogramo	$2(a+b)\;$	a kaj b estas la longoj de du sinsekvaj lateroj.
Iu ajn plurlatero	$a_{1}+a_{2}+a_{3}+\ldots +a_{n}=\sum _{i=1}^{n}a_{i}$	kie $a_{i}$ estas la longo de la $i$-a (1-a, 2-a, 3-a...n-a) latero de plurlatero kun n lateroj.
Konveksa regula plurlatero	$2nR\sin \left({\frac {\pi }{n}}\right)$	n estas la nombro de lateroj kaj R la distanco inter la plurlaterocentro kaj ĉiuj verticoj.

Cirkonferenco estas la termino uzata por priskribi perimetron de fermita kurbo.

La plej komuna estas la cirklo, kies perimetro rilatas al la radiuso per la rilatumo kun la nombro pi:

$L=d\cdot \pi =2r\cdot \pi =2\pi r$

$L$ signifas cirkonferencon,

$r$ estas la radiuso de cirklo kaj

$\pi$ estas la nombro pi kun la valoro 3,14159265...

$d$ estas la diametro.

Alia ekzemplo estas la elipso, kies perimetro ankaŭ rilatas al pi:

$L=4a\int _{0}^{\pi /2}{\sqrt {1-{\epsilon }^{2}\sin ^{2}t}}\mathrm {d} t=4a{\rm {E(\epsilon )}}$

$L$ signifas cirkonferencon,

$a$ estas la grandan duonakson de la elipso

$\epsilon$ estas la discentreco de la elipso

$\pi$ estas la nombro pi

$t$ estas variablo por la integrado

${\rm {E}}$ estas la elipsa integralo de la dua speco.

Ĝi aproksimiĝas per la sekva formulo (inter aliaj):

$L\approx \pi {\sqrt {2(a^{2}+b^{2})-{\frac {1}{2}}(a-b)^{2}}}$

$b$ estas la malgranda duonakso de la elipso.

Sufiĉe ofte uzata duonperimetro estas simple duono de la perimetro aǔ cirkonferenco.