Dangun

El Vikipedio, la libera enciklopedio
Saltu al: navigado, serĉo

Dangun Wanggeom aŭ Tangun estas en la korea mitologio fondinto de Go-Joseon, la unua korea reĝlando.

Legendo[redakti | redakti fonton]

Dangun estis nepo de ĉielreganto Hwanin (환인; 桓因), nomo, kiu estis menciita jam en malnovaj budhismaj tekstoj el Hindio.

Hwanin havis filon Hwanung, kiu volis vivi sur la Tero. Hwanin elektis la monton Taebaek kiel loĝejon por sia filo kaj sendis lin tien kun 3.000 akompanantoj. Hwanung fondis sur la pinto la urbon Sinsi (신시; 神市), urbon de la Dioj. Hwanung kun siaj ministroj donis al la homoj leĝojn, moralon, kulturon, medicinon kaj agrikulturon.

Unu tigro kaj urso petis Hwanung por transformi ilin al homoj. Hwanung donis al ili ajlon kaj artemizion kaj ordonis al ili manĝi tiujn dum 100 tagoj kaj eviti dum tiu tempo la lumon. La tigro rezignis baldaŭ, dum la urso eltenis kaj transformiĝis al virino. La virino nomiĝis Ung-nyeo (웅녀; 熊女; ursino), montris sin tre dankema, sed ŝi volis gefilojn kaj ne havis viron. Hwanung estis kortuŝita de ŝia peto kaj edzinigis ŝin. Ilia komuna filo iĝis Dangun Wanggeom.

Laŭ diosvastiĝinta opinio en Koreio, Dangun surtroniĝis en 2333 a.K. kaj fondis la urbon Pjongjango kaj la reĝlandon Go-Joseon. Tiu tempo venas el enskribo en Dongguk Tonggam, kiu nomas la 25-an registaran jaron de ĉina imperiestro Yao. Tiu kontraŭdiras al prezentoj en la Sejong Sillok kaj la Samguk Yusa de Il-yeon, kiuj donas la 1-an resp. la 50-an regsitaran jaron de Yao.

La mita fondo de Koreio fare de Dangon estas hodiaŭ festata en Koreio kiel Gaecheonjeol.

Monto Taebaek[redakti | redakti fonton]

La geografia situo de monto Taebaek estas disputita. Oni supozas tri montojn kiel naskiĝlokon de la koreia civilizo:

Maŭzoleo[redakti | redakti fonton]

En nord-koreia distrikto Kangdong, parto de urba areo de Pjongjango, en 1994 estis finita rekonstruado de supozita tombo de Dangun. Temas pri komplekso de 45 ha, en kies centro staras blanka piramido kun supozita tombeja ĉambro de Danguns kaj ties edzino.