Diskuto:Kaboverdo

El Vikipedio, la libera enciklopedio
Salti al navigilo Salti al serĉilo

Mi ne estas tre kontenta pri la nomo de tiu ĉi artikolo. Oni povas nomi la kabon egale "Verda Kabo" aŭ "Kabo Verda", sed ne "Kabo-Verdo"*, ĉar "verdo" estas kolorsubstantivo, ne geografiaĵo. Temas ja ne pri koloro, sed pri kabo.

Same por derivi adjektivon necesas meti la ĉefan radikon malantaŭen; do "verd(a)kaba", ne "kabverda"* (tio ĉi signifas "verda kiel kabo"). Kaj tieaj loĝantoj estas "verdkab(o)anoj", ne "kabverdano"* (tio estus anoj de ĝia verda koloro, sed ne de la lando).

Umberto 18:25, 22. Jun 2009 (UTC)

La nomo "Kabo-Verdo" ne estas kunmetaĵo el "Kabo" + "Verdo". Ĝi estas unuradika nomo farita el la radiko KABOVERD/. La skribo kun dividostreko tamen povas pensigi, ke temas pri kunmetaĵo. Tial la Akademio nun rekomendas la formon "Kaboverdo". Notu, ke la insulara lando Kaboverdo estas io tute alia ol la kabo nomata Verda Kabo. La Verda Kabo situas en Senegalo! Bertilow 10:11, 25. Jun 2009 (UTC)
Mi proponas titolŝanĝon al "Kaboverdo" laŭ la rekomendo de la Akademio. Marcos 14:51, 6 Jan. 2012 (UTC)