Diskuto:Nunavuto
La blazono de Nunavuto.
Ĝenerale ŝtataj blazonoj konsideriĝas bildigeblaj en la vikimedia komunejo, sed la blazonon de Nunavuto oni forprenis el la komunejo, kvankam ankoraŭ pluraj vikipediaj branĉoj ligas al ĝi, kaj metis ĝin en la anglan branĉon sub licenca indiko pri "justa uzo". Tial necesis en marto 2010 alŝuti lokan ekzempleron kaj se tiel restas, necesas aparte alŝuti la blazonon al ĉiu vikipedia branĉo kiu volas bildigi ĝin.
ThomasPusch 12:42, 2. Mar 2010 (UTC)
Tamen en oktobro 2022 alŝutiĝis nova, grafike supera SVG-dosiero al la komunejo, kiu probable sekure restos tie. Tial nun eblas forigi la lokan version en formato PNG el la esperantlingva vikio. Se tamen ankoraŭfoje estos krizo en la komunejo: ĉiu ajn esperantlingva administranto povas facile reaperigi la nun forigitan PNG-blazonon en la esperantlingva vikio.