Distrikto Węgorzewo

	Distrikto Węgorzewo
Pola nomo	powiat węgorzewski
distrikto
Provinco	Varmio-Mazurio
Ĉefurbo	Węgorzewo / Angerburg / Ungura
Kvanto de komunumoj:
urbaj	-
urbo-kampaj	1
kampaj	2
Urbeco	49,24
Areo	693,43 km2
Loĝantaro	20 983 (en 2023)
Loĝdenso	30 loĝantoj/km²/km2
Aŭtokodo	NWE
TERYT	6.28.37.19.00.0
Estro	Jerzy Litwienienko
Adreso de estraro	ul. Zamkowa 3
Poŝtkodo de estraro	11-660
Telefono de estraro	87 427 27 13
Fakso de estraro	87 427 21 10
Retpaĝaro de distrikto	http://www.powiatwegorzewski.pl
	v • d • r

Distrikto Węgorzewo - pole powiat węgorzewski - estas distrikto en la provinco (vojevodio) Varmio-Mazurio de Pollando. Administra centro estas la samnoma urbo Węgorzewo. Ĝis la jaro 1945 la provinca teritorio estis germanlingva, administre apartenis al la Germana Regno kaj estis la suda parto de la historia regiono Orienta Prusio. La distrikta ĉefurbo ĝis tiu jaro nomiĝis Angerburg. Tamen ankaŭ ĉiam estis signifa malplimulto de litovlingvanoj en la regiono, kiu nomis la centran urbon litove Ungura kaj konsideris ĝin parto de la etnografia regiono Eta Litovio aŭ Prusia Litovio (litove Mažoji Lietuva aŭ Prūsų Lietuva, germane Kleinlitauen aŭ Preußisch-Litauen, latine Lithuania Minor).

Loĝantaro (datumoj por la 30-a de junio 2005):

	Entute		Virinoj		Viroj
	Homoj	%	Homoj	%	Homoj	%
Ĉie	23770	100	11903	50,1	11867	49,9
En urboj	11723	100	5902	50,3	5821	49,7
En vilaĝoj	12047	100	6001	49,8	6046	50,2

Intertempe, fine de 2023 en la distrikto vivis 20 983 loĝantoj sur areo de 693,43 kvadrataj kilometroj, kio rezultigas loĝdenson de 30 loĝantoj/km². La teritorio en horloĝa direkto havas komunan limon kun la kaliningrada provinco de nuna Rusio - la historia norda parto de germanlingva Orienta Prusio - norde, kun la distrikto Gołdap (historie Goldap) oriente, kun distrikto Giżycko (Lötzen) sude kaj distrikto Kętrzyn (Rastenburg) okcidente.