Ekologia manĝaĵo

El Vikipedio, la libera enciklopedio
Saltu al: navigado, serĉo

Ekologia manĝaĵo estas produktita laŭ la principoj de ekologia agrikulturo. La celo estas, ke ĉiu komponanto de preta ekologia manĝaĵo estas laŭnature produktita. Ekologia manĝaĵo ekzemple ne enhavas sintezajn nutroaldonaĵojn.

Ĉar ekologia manĝaĵo laŭ aspekto povas ne diferenci de la amase produktitaj analogaĵoj, en multaj landoj ekzistas tre strikta kontrolo pri la produktado, kiu volas nomi siajn nutraĵojn "ekologia manĝaĵo". Ekzemple, en Eŭropa Unio ekzistas speciala Konsilia Reguldokumento numero 2092/91 de la 24-a de junio 1991, kiu regulas ekologie puran produktadon de manĝaĵo.

La ĉefaj ecoj de ekologia manĝaĵo estas:

  • ekologie pura krudaĵo (ingrediencoj);
  • speciala teknologia procezo.

Ekzemple, oni atentas pri tiaj procezoj kiel troa varmigo, kiu povas kaŭzi perdon de vitaminoj.

Atestoj[redakti | redakti fonton]

Germana atesto pri ekologia manĝaĵo.

Ekzistas pluraj atestoj en diversaj landoj pri ekologieco de manĝaĵo. Speciala signo povas esti metata sur pakaĵo de ekologia manĝaĵo, laŭ permeso de kontrolanta ŝtata institucio.

Debato pri ekologia manĝaĵo[redakti | redakti fonton]

Dum ekologia manĝaĵo iĝas pli populara inter konsumantoj, ekzistas ankaŭ argumentoj kontraŭ ĝi. Ekzemple, naturaj nutraj farboj estas multe pli multekostaj, ol la kemiaj, kaj samtempe ne sekurigas tian kvaliton de farbado, kiel la kemiaj.

Lingva noto[redakti | redakti fonton]

Atentu ne nomi ekologian manĝaĵon biologia (ĉiu manĝaĵo ja estas biologia (= el vivantaj estaĵoj)) nek organika (= konsistanta el karbonkombinaĵoj)