Epigenetiko

El Vikipedio, la libera enciklopedio
Salti al navigilo Salti al serĉilo

Epigenetiko estas la studo de heredeblaj fenotipaj ŝanĝoj, kiuj ne implicas ŝanĝojn en la DNA-vicrivelado. La greka prefikso epi- (ἐπι- "super, ekster, ĉirkaŭ)) en epigenetiko implicas "ecojn" aldone al "la tradicia genetika bazo por heredo". Epigenetiko plej ofte indikas ŝanĝojn, kiuj influas la genan agadon kaj genekspesion, sed ankaŭ povas esti uzata por priskribi ĉiun heredeblan fenotipan ŝanĝon. Tiaj efikoj al ĉelaj kaj fiziologiaj fenotipaj trajtoj povas rezulti de eksteraj aŭ mediaj faktoroj, aŭ esti parto de normala evoluo. La norma difino de epigenetiko postulas ĉi tiujn ŝanĝojn esti heredeblaj, aŭ en la posteuloj de ĉeloj aŭ de organismoj.

Historie, iuj fenomenoj ne nepre heredeblaj ankaŭ estis priskribitaj kiel epigenetikaj. Ekzemple, la termino uziĝis por priskribi ajnan modifon de regionoj kromosomaj, speciale modifoj de histonoj, se ĉi tiuj ŝanĝoj estas heredeblaj aŭ asociitaj kun fenotipo. La interkonsenta difino nun bezonas trajton por esti heredita por ke ĝi estu konsiderata epigenetika.