Ferlens VD
|
- La mallongigo VD en Ferlens VD staras por la svisa Kantono Vaŭdo. Por aliaj signifoj de la nomo vidu sub Ferlens. |
| Ferlens | |
|---|---|
 | |
| Blazono de Ferlens | |
| Ortschaft • former municipality of Switzerland | |
| Kantono | Vaŭdo |
| Distrikto | Lavaux-Oron |
| Koordinatoj | 46° 35′ 24″ N 6° 47′ 2″ O / 46.59000 °N, 6.78389 °O (mapo)Koordinatoj: 46° 35′ 24″ N 6° 47′ 2″ O / 46.59000 °N, 6.78389 °O (mapo) |
|
| |
| Nombro de loĝantoj | 321 |
| Areo | 2,17 km² |
| Alteco | 747 m super marnivelo |
| Poŝtkodo | 1076 |
| Komunumkodo | 5789 |
 | |
| Mapo de Ferlens | |
Ferlens estas komunumo en la distrikto Lavaux-Oron en Kantono Vaŭdo, Svislando. Ĝi havis 321 loĝantojn je la 31-a de decembro 2012.
Geografio
[redakti | redakti fonton]La komunumo Ferlens situas sur la orienta flanko de la altebenaĵo de Jorat en la supra valo de Brojo en la Vaŭda Mezlando, proksimume 10 kilometrojn nordoriente de Laŭzano kaj kvar kilometrojn okcicente de Oron-la-Ville. La komunumo konsistas el la vilaĝo Ferlens kaj la setlejoj Champ Busigny, Champ Jaquet, Fontaine kaj Les Planches, kaj kelkaj izolitaj bienoj.[1]
La teritorio de la komunumo etendiĝas sur areo de 2,17 km², de kiuj 21,7% estas kovritaj de arbaro, 70,5% servas por agrikulturo kaj 7,4% por setlado. [2]
Najbaraj komunumoj
[redakti | redakti fonton]La komunumo Ferlens limas en nordo al Carrouge, en nordnordoriento al Vulliens, en nordoriento al Ecublens (FR), en oriento al Auboranges (FR), en sudo al Servion, kaj en okcidento al Mézières.
Trafiko
[redakti | redakti fonton]Ferlens situas flanke de la gravaj trafikvojoj. Tra la komunumo pasas konekta vojo de Servion al Vulliens kaj alia vojo de Mézières al Oron-la-Ville. La plej proksima alveturejo al la svisa aŭtovojo A9 situas proksimume 8 kilometrojn sudoriente de la komunumo apud Chexbres. Pere de poŝtaŭtolinio de Mézières al Oron-la-Ville la komunumo estas konektita al la publika transportreto.
Historio
[redakti | redakti fonton]La unua dokumenta mencio de Ferlens datiĝas el la jaro 1147 jam kiel Ferlens. En Ferlens estis trovita nekropolo kun multaj skeletoj, kiuj verŝajne datiĝas el la 8-a jarcento. Dum mezepoko Ferlens apartenis al la Senjorujo Orlon, kaj estis parto de la komunumo Servion. Sub la berna regado ek de 1536 Ferlens unue apartenis al la Voktejo Moudon kaj poste ek de 1557 al la Voktejo Oron. Ferlens konstituiĝis kiel aparta politika komunumo en la jaron 1820 post disiĝo de Servion.[3]
Vidu ankaŭ
[redakti | redakti fonton]- Aliaj lokoj kun la nomo Ferlens
Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Ferlens – (Kolekto de bildoj kaj plurmediaj dosieroj)
| ||||||
