Flughaveno Madrido-Kvar Ventoj

El Vikipedio, la libera enciklopedio
Saltu al: navigado, serĉo

La Flughaveno Madrido-Kvar Ventoj aŭ en hispana Aeropuerto de Madrid - Cuatro Vientos (Laŭ internacia kodo por flughavenoj ICAO: LECU kaj LEVS) estas flughavena instalaĵo de dua kategorio situanta je 8 km de la centro de Madrido (Hispanio). Fondita en 1911, estas la plej antikva flughaveno de Hispanio.

Dekomence ĝi estis aerbazo de la Aer-Armeo de Hispanio. Tamen ĝi estas uzita ekde la 1970-aj jaroj por uzado kuna civila-milita. Ekde tiam, la civila fako dediĉis sin preskaŭ nur al la ĝenerala aviado kaj malpeza. Aktuale, Cuatro-Vientos estas baza sidejo de diversaj lernejoj, inter kiuj kelkaj el la ĉefaj flugakademioj de la lando, flugokluboj aŭ privataj.

Ĝi estas ankaŭ baza sidejo en Madrido de diversaj servoj de la ŝtato, kiaj la helikopteroj de Trafikkontrolo, de la Nacia Polico kaj de la Aeronavigada Muzeo de Hispanio.

40°22′14″N 003°47′06″W  /  40.37056°N, 3.785°U / 40.37056; -3.785 (Flughaveno Madrido-Kvar Ventoj)