Flugiloj de Tatev

Flugiloj de Tatev (armene: Տաթևի թևեր "Tatevi tever") estas 5,7 kilometra telfero inter Halidzor kaj la monaĥejo Tatev en Armenio. Ĝi estas la plej longa reigebla aera tramo konstruita en nur unu sekcio, kaj havas la rekordon de Plej longa senhalta dutraka telfero. Konstruo estis finita la 16-an de oktobro 2010^[1].

La telfero Flugiloj de Tatev situas en la regiono Sjuniko, 250 km sude de Erevano.

Totala vetura tempo de Halidzor-stacio al monaĥejo Tatev estas ĉirkaŭ 12 minutoj; multe pli mallonga vojaĝo ol la 40-minuta veturo laŭ la kruta serpentuma vojo, kiu sekvas la gorĝon de Vorotan. Flugante super la gorĝo, la aera telefera kabino atingas sian maksimuman altecon de 320 metroj. Kiam la unua kabino atingas la stacion Tatev, la dua alvenas al la stacidomo Halidzor. Post kiam la Flugiloj estas reŝargitaj, la movado rekomenciĝas en la kontraŭa direkto. Ĉiu kabino gastigas 30 pasaĝerojn kaj unu stevardo. La telfero povas gastigi ĉirkaŭ 240 pasaĝerojn hore. Potencaj kolonoj dividas la telferon en kvar sekciojn. La plej longa sekcio estas 2,7 km kaj superas la monaĥejan komplekson Tatev^[2].

la Flugiloj de Tatev estas nekomerca projekto; la tuta profito de la projekto estas investita en la restarigo de la Monaĥejo Tatev kaj la disvolviĝo de la loka komunumo. La Tatev Revivliga Projekto implikis investon de pli ol 22 milionoj da usonaj dolaroj. 16 milionoj USD de ĉi tiu sumo estis uzata por la konstruado de la telfero; ĉirkaŭ 1 miliono da usonaj dolaroj por la konstruado de restoracio Tatevatun; ĉ. 1,5 milionoj por disvolvigi infrastrukturojn; kaj ĉirkaŭ $ 670,000 por la plibonigo de la reto.