Gay & Lesbian Alliance Against Defamation

Gay & Lesbian Alliance Against Defamation
interesogrupo • nonprofit corporation
Komenco	1985 vd
Lando(j)	Usono vd
Sidejo	Nov-Jorko
Agareo	GLAT
Fondinto(j)	Vito Russo vd
Retejo	Oficiala retejo
Jura formo	organizaĵo laŭ 501(c)(3)
	v • d • r

La Alianco Geja-Lesba kontraŭ kalumnio (angle Gay & Lesbian Alliance Against Defamation aŭ en ĝia anglalingva akronimo: GLAAD) estas usona organizaĵo kiu kontrolas la amaskomunikilaron en Usono por malhelpi kalumniojn kontraŭ gejoj, lesbaninoj, ambaŭseksemuloj kaj transgenruloj (GLAT) en la amaskomunikiloj, kaj ankaŭ laboras por instigi socian akcepton kaj toleremon al ili. La organizaĵo fondiĝis en 1985 en Novjorko kiel respondo al la maniero kiel la amaskomunikilaro kovris la aidosan epidemion.

Ekde 1990, la organizaĵo okazigis la ceremonion GLAAD Media Awards ĉiujare, en kiu premioj ricevas al membroj de la amaskomunikilaro por "honori kaj respekti ilin por la justa kaj ĝusta reprezentado de la GLAT-komunumo kaj la temoj kiuj influas iliaj vivoj." ^[1]

GLAAD Media Awards[redakti | redakti fonton]

Unu el la plej elstaraj publikaj agadoj de la organizaĵo estas la ĉiujara okazigo de ceremonio por disdoni premiojn al amaskomunikiloj kaj artistoj, pro "respekto donita al homoj, organizaĵoj kaj projektoj en la ĉefaj amaskomunikiloj kaj distraj industrioj kiuj donis justan, precizan, inkluzivan kaj simpatian traktadon al GLAT komunumoj kaj homoj, kaj agnoskante la malfacilaĵoj kiuj influas iliajn vivojn" ^[2]. La evento estas okazigita ekde 2006, kaj ĝis nun estis okazigita en Los-Anĝeleso, Novjorko, Miamo kaj San-Francisko. Premioj estas donitaj en malsamaj kategorioj en ĉiuj amaskomunikilaj kampoj, ekzemple: filmo, televida programo, televidepizodo, televida filmo aŭ televida serieto, dokumenta filmo, Realeca televidserio kaj Revuo. Premio ankaŭ estas donita al muzikisto, publicisto, ĵurnalisto kaj teatro. Ankaŭ ne-usonaj filmoj kaj kreintoj povas ricevi la premion.