Gjesvær

El Vikipedio, la libera enciklopedio
Salti al navigilo Salti al serĉilo
Panoramo

Gjesvær (en Nord-samea lingvo Geaissvearra) estas malnova vilaĝo de fiŝkaptistoj en municipo Nordkapp en kantono Finnmark, Norvegio. Ĝi estas la ununura loko en Finnmark konata el la Vikinga erao kaj estas menciita en la Heimskringla sagao kiel Geirsver.[1] La nomo derivas el la vira nomo Geir, kiu signifas "ponardo".[2]

Kiel plej aliaj lokoj en Finnmark, ĉiuj konstruaĵoj en la vilaĝo estis forbruligitaj en 1944 fare de la germanaj okupotrupoj. Kapelo konstruita en 1960 estas konsiderata kultura monumento.

Gjesvær havas proksimume 130 loĝantojn, sed komence de la 1970-aj jaroj, ĝi havis ĉirkaŭ 350 homojn. Ĝi havas fiŝejon, lokan vendejon, poŝtoficejon, kaj bazlernejon. La ĉefa industrio estas fiŝkaptado, sed lastajn jarojn estas pliiĝanta kresko de turismo, kun agadoj kiaj fiŝkaptado kaj birdumado kaj veturado al la naturrexervejo Gjesværstappan.

Notoj[redakti | redakti fonton]

  1. STURLSON, Snorri. (1932) Heimskringla: The Chronicle of the Kings of Norway. ISBN 160506789X.
  2. Store norske leksikonGjesvær (norvege). Alirita 2013-02-15.