Helpo:Serĉado

El Vikipedio, la libera enciklopedio
Jump to navigation Jump to search
Helpo

Vikipedio havas funkcion de serĉado. Vi vidas ĝin je ĉiu paĝo maldekstre, sub "serĉu".

Serĉi en la artikoloj[redakti | redakti fonton]

La du butonoj sub la "serĉi"-kadreto signifas jenon:

  • Per "Ek!" vi serĉas tiun ekzaktan esprimon kiel titolon de artikolo.
  • Per "Serĉi" vi serĉas tiun esprimon en artikoloj ĝenerale, do eble ĝi aperas ie en artikolo.

Kiam vi enmetas la unuajn literojn de via serĉvorto, aperas proponoj sube - kaj ne plu eblas klaki al "Serĉi". Klaku unue al najbara loko, kie la klakado ne havas efikon; la proponoj malaperas kaj vi povas klaki al la "Serĉi"-butono.

Cetere indas serĉi pere de la sistemo de kategorioj, sube de ĉiu artikolo.

Serĉi en aliaj paĝoj (Helpo, Diskutoj ktp.)[redakti | redakti fonton]

Necesas dufoje serĉi. Vi devas unue meti la serĉatan vorton en la "serĉi"-kadreton maldekstre kaj klaki al "Serĉi". Sur la paĝo "Serĉrezultoj" vi devas tute sube iri al "Progresa serĉo". Legeblas "Serĉi en Nomspacoj"; nomspacoj estas la unuopaj paĝaroj, ekzemple ĉiuj helpopaĝoj, ĉiuj artikolaj paĝoj aŭ ĉiuj vikipediistaj diskutpaĝoj. Metu krucon ekzemple al "Helpo", se tie vi deziras serĉi kaj klaku al "Progresa trovilo".