Henry Creswicke Rawlinson
Sir Henry Creswicke Rawlinson, (n. en Chadlington, Oxfordshire, la 11-an de aprilo 1810 – m. en Londono, la 5-an de marto 1895) estis angla soldato, diplomato kaj orientalisto. Ankaŭ konata kiel "Patro de la Asiriologio." Li okupiĝis pri la Brita Muzeo ekde 1876 ĝis morto. Li estis nomumita Baronet en 1891, prezidento de la Brita Geografia Societo inter 1874 kaj 1875 kaj de la Azia Societo inter 1878 kaj 1881; ankaŭ li ricevis honorajn gradojn en Oksfordo, Kembriĝo kaj Edinburgo.
Li kontribuis per artikoloj pri Bagdado, Eŭfrato kaj Kurdistano en la naŭa eldono de la Brita Enciklopedio, kune kun aliaj artikoloj pri Oriento kaj partoprenis en la tradukado kaj eldonado de la Historioj de Herodoto de sia frato Canon George Rawlinson.
Bibliografio
- G. Rawlinson, Memoir of Henry Creswicke Rawlinson (1898), y Karl E. Meyer and Shareen Blair Brysac. Tournament of Shadows. Washington D.C.: Couterpoint, 1999.