Hertford

El Vikipedio, la libera enciklopedio
Saltu al: navigado, serĉo
Pordego de Kastelo Hertford

Hertford estas la ĉefurbo de Hertfordshire, Anglio. En 2001, laŭ la tiujara censo, ĝi enhavis iomete malpli de 24,200 loĝantojn.

Historio[redakti | redakti fonton]

La urbo estas tre antikva. En 673 kunvenis la eklezia Konsilio de Hertford, kie estiĝis akordo pri la kalkulo de la dato de pasko. Ankoraŭ restas multaj mezepokaj konstruaĵoj.

Dum la granda pesto de Londono (1665-1666) la angla parlamento mallonge kunvenis en Hertford.

Ekonomio[redakti | redakti fonton]

Inter la plej gravaj dungantoj estas la loka registaro de Hertfordshire kaj bierfarejo. Multaj loĝantoj veturetas al Londono.

Vizitindaĵoj[redakti | redakti fonton]

Preĝejo de Sankta Leonardo

Inter la vizitindaĵoj estas:

  • la restaĵoj de la originala mezepoka Kastelo Hertford (la 16-a-jarcenta pordega konstruaĵo nun servas kiel oficejo de la urba registaro de Hertford)
  • malgranda mezepoka preĝejo, dediĉita al Sankta Leonardo, en norda antaŭurbo
  • la plej antikva restanta kvakera kunvenejo de la mondo, kiu datiĝas de 1670