Ilhabela
Ilhabela Koordinatoj: 23° 46′ 28″ S 46° 21′ 20″ U / 23.77444 °S, 46.35556 °U (mapo)(Belega insulo, portugale) estas arkipelago kvar kilometrojn antaŭ la marbordo de brazila subŝtato) San-Paŭlo.
Situo
Ĝi situas je 23° 46′ 28″ S 46° 21′ 20″ U / 23.77444 °S, 46.35556 °U (mapo), en distanco de 205 km de urbo São Paŭlo kaj 340 km de urbo Rio de Janeiro.
Ĝi havas surfacon de 348,3 km² kaj inkludas la insulojn: Ilhabela (oficiale: "Ilha de São Sebastião"), Búzios, Vitoria, Cabras, Castelhanos, Enchovas, Figueira, Lagoa, Serraria. Ĝi estas atingebla per pramŝipo de São Sebastião.
La populacio estis 26.230 loĝantoj en (2005).
Historio
Kiam la portugaloj koloniigis Brazilon en 1500, Ilhabela estis loĝata de tupioj, kiuj nomis ĝin "Ciribai" (= "trankvila loko").
La 20-an de januaro 1502 (festo de kristana sanktulo Sebastiano) malkovris la insulon portugala ŝipo kun Amerigo Vespucci surborde, kiu nomis gin "Insulo de São Sebastião".
En 1805 ĝi estis agnoskita komunumo kaj ricevis la nomon "Villa Bella da Princeza" honore al la reĝidino de Beira. Dum la epoko de Estado Novo de diktatoro Getúlio Vargas la insulo denove ŝanĝis sian nomon: "Formosa". Sed en 1944 (30-a de novembro) ĝi fine reestiĝis "Ilhabela".
Turismo
Ilhabela estas ŝatata loko por akvosportoj, aparte fama por velado, pluraj velo-konkursoj okazis tie. Ĉirkaŭ la insularo troviĝas pli ol 50 ŝipruinoj, 6 el ili viziteblaj por subakviĝantoj.
La insularo havas multajn migradvojojn diversgrade malfacilajn, multaj akvofaloj en ĝangala ĉirkaŭo allogas turistojn.
Eksteraj ligiloj
greke portugale Prefeitura Municipal de Ilhabela greke portugale Official Site of Ilhabela greke portugale Ilhabela Town Hall greke portugale citybrazil.com.br greke portugale Ilhabela on Explorevale greke portugale NGO dedicated to Ilhabela`s preservation greke angle Tourist Information Site