In Aménas

El Vikipedio, la libera enciklopedio
Saltu al: navigado, serĉo
إن أمناس‎
[‘In ’Amanās]
In Aménas
situo de la komunumo en la provinco Ilizi


situo de la komunumo en la provinco Ilizi

Bazaj informoj
Areo 14 913 km²
Loĝantaro 7385 (en 2008)
In Aménas (Alĝerio)
DMS
Red pog.svg
v  d  r
Information icon.svg

In Aménas, arabe إن أمناس‎ [latinliterigo laŭ sistemo DMG ‘In ’Amanās], estas urbo kaj komunumo de Alĝerio. Ĝi situas en la provinco Ilizi en la ekstrema oriento de la provinco kaj de tuta Alĝerio, lime al Libio. La urbo estas la administra centro de samnoma distrikto kaj en 2008 havis 7385 loĝantojn. Malgraŭ tiu kompare malgranda nombro de loĝantoj la urbo kovras vastan areon de 14 913 kvadrataj kilometroj kaj disponas pri urba nacia flughaveno kun aviadaj linioj al (laŭ la stato de 2013) dek aliaj alĝeriaj urboj. La loka klimato estas varmege subtropika kaj dezerta, kun longaj kaj tre varmaj someroj kaj kun vintroj de mildaj tagaj kaj malvarmaj noktaj temperaturoj, foje sub 0 celsiaj gradoj.

Tergasa provizejo en Tiguentourine, 25 kilometrojn de la urbocentro, estis atakita fare de islamistoj inter la 16-a kaj 20-a de januaro 2013: provizora rezulto estis 23 mortintaj ostaĝoj (ĉefe eksterlandanoj) kaj 32 mortintaj atakantoj post la reago de la alĝeria armeo.