Jenő Mikó
Jenő MIKÓ, laŭ hungarlingve kutima nomordo Mikó Jenő estis hungara-ĉeĥoslovakia-slovakia pastro, kalvinana episkopo, eklezia verkisto.
Jenő Mikó [1] naskiĝis la 17-an de majo 1931 en Ĉeĥoslovakio en Vyšná Hutka. Li mortis la 1-an de julio 2004 en Bratislavo.
Biografio[redakti | redakti fonton]
Jenő Mikó apartenis al la hungara minoritato en Ĉeĥoslovakio. Li lernis teologion en Prago kaj Basel. Li doktoriĝis en 1988 en Bratislavo.
Li komencis sian pastran karieron en tiuj komunumoj, kie loĝas ankaŭ hungaroj en Ĉeĥoslovakio, krome li verkis artikolojn en hungarlingvajn kalvinanajn periodaĵojn. Inter 1990-1996 li estis kalvinana episkopo jam en la kreiĝanta Slovakio.