Karlsson sur la tegmento

El Vikipedio, la libera enciklopedio
Salti al navigilo Salti al serĉilo
Karlsson sur la tegmento aen Djurgården, Stokholmo

Karlsson sur la tegmento estas la ĉefrolulo de serio porinfanaj libroj de la sveda verkisto Astrid Lindgren.

Karlsson estas malalta, dika vireto "en siaj plej bonaj jaroj", kiu vivas sola en kaŝita dometo sur domtegmento super Stokholmo. Li havas surdorse helicon, per kiu li kapablas flugi. Laŭ karaktero li estas ofte egoisma, avida, fanfarona, pravema, mistifika kaj nefidebla. Ofte li asertas ke li estas plej bona pri io ajn, kaj seriozajn kritikojn li rigardas bagatelaĵoj.

Karlsson amikiĝas kun la timema 7-jara knabo Lillebror ("Frateto"), kiu loĝas en la sama domo. Lillebror lin admiras, kaj per lia helpo iĝas pli kuraĝa kaj memfida.

Libroj[redakti | redakti fonton]

  • Lillebror och Karlsson på taket (1955)
  • Karlsson på taket flyger igen (1962)
  • Karlsson på taket smyger igen (1968)

Ĉiuj tri libroj estas ilustritaj de Ilon Wikland.

Rusio[redakti | redakti fonton]

Rusia poŝtmarko

Karlsson sur la tegmento estas ege populara en Rusio.

En 1968 aperis en Sovetunio la desegnita filmo Maliŝ i Karlsson ("Etulo kaj Karlsson").