Kastelo Windsor
| Windsor | |||
|---|---|---|---|
|
| |||
| reĝa palaco • English country house • burgo • palaco • vidindaĵo • dommuzeo | |||
| Geografiaj informoj | |||
| Lando |  Unuiĝinta Reĝlando (Britio)
| ||
| Geografia situo | 51° 29′ 1″ N, 0° 36′ 15″ U (mapo)51.4837-0.60419999999999Koordinatoj: 51° 29′ 1″ N, 0° 36′ 15″ U (mapo) | ||
| |||
| |||
| Konstruita | 1070-1086 | ||
| Devena posedanto | Vilhelmo la Konkerinto | ||
| Retadreso | https://www.royalcollection.org.uk/visit/windsorcastle | ||
Kastelo Windsor [ŭinz-r] estas unu el kelkaj oficialaj loĝejoj kiuj apartenas al la brita monarkio.
Ĝi estas la plej granda enloĝata kastelo en la mondo. Tamen la plej multo da monarkoj preferis loĝi en la Palaco Buckingham [bákiηhæm], dum ili uzis Windsor kiel duan loĝejon. Kelkaj, inkluzive de la reĝo Georgo la 4-a de Britio uzis ĝin kiel ĉefan loĝejon.
Vilhelmo la Konkerinto unue konstruigis ĝin por helpi defendi la urbon Londonon. Oni faris multajn aldonaĵojn kaj plibonigojn ekde tiam. En la jaro 1348 la reĝo Eduardo la 3-a de Anglio starigis la kapelon de Sankta Georgo (angle: St. George’s Chapel) kiel la hejmo de la kavalireca ceremonio, Ordeno de la Ĝartero (angle: Order of the Garter).
La kastelo, aŭ samnoma proksima urbeto, eĉ donis la nunan familian nomon al la reĝa dinastio: En 1960 reĝino Elizabeto la 2-a dekretis, ke ŝia idaro havu la familian nomon Mountbatten-Windsor.
Gravaj eventoj okazintaj ĉe Kastelo Windsor
- 1121: La geedziĝo de Henriko la 1-a de Anglio kaj lia dua edzino, Adeliza
- 1312: La naskiĝo de la reĝo Eduardo la 3-a de Anglio
- 1361: La geedziĝo de Eduardo la Nigra Princo kaj Joan de Kent
- 1483: Enterigo de la reĝo Eduardo la 4-a de Anglio
- 1863: La geedziĝo de la estonta reĝo Eduardo la 7-a de Britio kaj Alexandra de Danlando
- 1999: La geedziĝo de Eduardo Windsor, Grafo de Wessex kaj Sophie Rhys-Jones
- 2003: 21-a naskiĝfesto de princo William Mountbatten-Windsor
Je la 20-a de novembro de 1992 granda parto de la kastelo estis detruita per fajro – la riparado kostis 40 milionojn da britaj pundoj. Tiu estis unu el la kaŭzoj, pro kiuj Elizabeto la 2-a nomis la jaron annus horribilis ("jaro terura").
-
-
Kastelo Windsor (Anglio). Jarmila fortreso konvertita al reĝa palaco. Ĉi tiu fama silueto tamen estis farita nur en la 1820-aj jaroj de Jeffry Wyatville -
Desegnaĵo de la kastelo farita en la 18-a jarcento. -
