Katalepsio

El Vikipedio, la libera enciklopedio
Salti al navigilo Salti al serĉilo
Katalepsio

Katalepsio de knabo sur lito

Katalepsio de knabo sur lito
KIM-10 F20.2
Information icon.svg
vdr

En medicino, katalepsio estas nerva kondiĉo de muskola rigideco kaj fiksiteco de korpoformo.

Priskribo[redakti | redakti fonton]

Jen oftaj simptomoj de katalepsiuloj:

  • Rigidaj dorso kaj trunko, sendepende de eksteraj stimuloj
  • Rigidaj membroj, sendepende de eksteraj stimuloj
  • Vaksa fleksiĝemo: se oni movas membron de katalepsiulo, la membro restas en la movitaj loko kaj formo.
  • Manko de respondo al eksteraj stimuloj
  • Malpliiĝo de respondemo al doloro
  • Perdo de muskola regado
  • Malrapidiĝo de korpaj funkcioj (ekz. spirado)

Etimologio[redakti | redakti fonton]

La termino devenas de la helena vorto κᾰτᾰ́ληψῐς katálēpsis “preno”.

Famaj ekzemploj[redakti | redakti fonton]

Laŭ la Simpozio de Platono, Sokrato ofte restis perfekte senmove dum multaj horoj, pensante. Laŭ kelkaj aŭtoroj, tio estas verŝajne kazo de katalepsio.[1]:76

Sankta Terezo de Ávila spertis katalepsion ekde 1539: ŝiaj kruroj rigidiĝis, kaj ŝi ne povis piediri dum tri jaroj.

En fikcio, en Romeo kaj Julieto de Ŝekspiro, Julieto trinkas pocion, kiu kaŭzas mortsimilan katalepsion.

Referencoj[redakti | redakti fonton]

  1. D’Angour, Armand. (2019) Socrates in Love (angle). Bloomsbury Publishing.