Kategorio:Municipoj laŭ landoj

Pri iuj ŝtatoj kutimiĝis en Esperanto uzi la vorton "komunumoj", pri aliaj la vorton "municipoj": komunumo estas vorto de iom pli vasta signifo, kiu krom "loka administra unuo urba aŭ neurba" (=municipo) ankaŭ povas signi lingvan aŭ religian komunumon, fakte ĉiun stabilan organizaĵon kiu servas por agi komune. En senco de administrado la du vortoj estas sinonimoj. Kutime laŭ la naciaj lingvoj aŭ la lokaj kondiĉoj de la koncernaj landoj preferiĝas la unua aŭ la dua sinonimo - ekzemple en Belgio ekzistas la plia koncepto de "lingvaj komunumoj", do la lokaj administraj unuoj ricevis la terminon "municipo", por eviti konfuzon, kvankam en ĉiuj tri lokaj lingvoj ("gemeente" en la nederlanda, "commune" en la franca kaj "Gemeinde" en la germana - ĉiuj etimologie rilatas al la adverbo komune) temas pri nacilingva termino kutime tradukata al Esperanto per la vorto "komunumo".

Bildoj, sonoj kaj videoj pri temo Municipoj laŭ landoj en Vikimedia Komunejo