Kuba statuo

El Vikipedio, la libera enciklopedio
Jump to navigation Jump to search
Kuba statuo de Pa-anĥ-Ra, ŝipestro, inter liaj kruroj estas figuro de Ptah; Malfrua periodo, proksimume 650-633 a. K.

Kuba statuo (bloka statuo) estas tiu egipta statua tipo, ĉe kiu persono sidas sur piedestalo, kun kun genuoj klinitaj, apudaj. La brakoj kuŝas sur la genuoj, interplektite, dume la piedoj tuŝas la bazon. Ofte la reprezentita persono portas longan veston, lasante videbla nur la kapon kaj piedojn. La bazo estas kovrita per egiptaj hieroglifoj kaj disponigas informojn pri la figurigito.

Pliaj karakterizaĵoj[redakti | redakti fonton]

Tiu statua tipo neniam prezentas faraonon, sed nur privatajn personojn kaj nur malofte virinojn. Ofte temas pri egiptaj oficistoj. Ĉar multaj kubaj statuoj montras malmultajn detalojn, la preparado, produktado de tiuj estis malpli komplika kaj sekve ankaŭ malpli kosta. Tio certe estis kialo por ilia populareco. La glataj surfacoj de la kubo-forma korpo estis prefere kovritaj per hieroglifoj, kiel la kuba statuo de Senenmut.

La plej malnovaj figuroj estas datitaj al tempo de la 12-a dinastio (Meza Imperio de Egiptio) kaj estis trovitaj en Sakkara. Tiuj estas ankaŭ nomataj kiel portilaj figuroj, ĉar la homoj estas montritaj sidante en sidejo de portebla seĝo, kie ili okupas la saman sidlokan pozicion. Ekzemplo de tio estas la portilseĝa figuro de Hetep. El tiu tipo evoluis la kuba statuo, kiu estis populara ĝis la romia epoko.

Bildaro[redakti | redakti fonton]